Ich schriebe för en kolleg:

Also min kolleg nenne mir in A isch mit kolleg B befründet. Kolleg B het en eigeni autogarage/lackierereii

Kolleg A het bi Kolleg B vor öber nem Johr eh Autoradiobländi abgäh, demit die abgänderet wird (spachtle, lackiere ect). Jetzt liit die Bländi sit nem johr det. Uf jedesmal ahfroge heisst bald chasch sie hole.. em januar esch versproche worde, dass er sie innerhalb 2 wuche hole cha mi kolleg A. Jedoch het da nie klappt und er esch endi februar vertröschtet worde, dases nüme lang gaht.
Jetzt uf einisch isch Kolleg B krank, het irgendwas mitem Aug und cha angeblech ned schaffe.. Kolleg A brucht sie jedoch entliich weller s auto wet chöne verkaufe.

Nebebii schuldet kolleg B sit öber nem halbe Johr mim Kolleg A en Kühelerumbau. Das ganze het Kolleg A scho lang bezahlt jedoch eschs nie dezue cho. Kolleg B het immer gseit "stellsch de charre eifach ane" jedoch wird s auto au no brucht und er het glich nie ziit gha.

Jetzt was chan mi Kolleg A mache? Er het ke loscht meh no länger warte.. wie chönnt er vorgoh? Er het das ganze ne uf kollegialer Basis bi ihm als Uftrag gäh und führt die Garage au mit sinere Kollegin wo lackiererin isch.. chan er es innere andere Garage mache loh und ihm d Rechbig schicke bi mehchöschte, wenn er ihm eh schriftlechi Frischt setzt?

Danke euch!