Hoi zame. I hät e frag bezüglich mieträcht. U zwar si mer im märz i ne 3,5 zimmer wohnig züglet. Mer hei schnäu öpis bruuucht da ig bi schwanger gsi. Mer hei denn e 2 jahresbertrag ungerschriebe. Itz üses problem. Die heizig lauft wenn überhaupt nume düre tag. I de nacht wirds mängisch weniger aus 18grad. Düre tag laufe aui heizige volle pulle u es wird nit wärmer aus 20-22 grad. Es isch es alts buurehuus u d'fänster si nit dicht. Es cha doch nit si das mer meh aus 1500 franke zahle u das no imene ort wo mer ufs auto agwise isch. Cha me da öpis mache? Mietminderig oder sogar vorziitig usem vertrag? Ps.: i dänke dases sehr schwär wird e nachmieter zfinge.