danke för d ufnahm.
mini familie wohnt emene huus. ich wohne unde im huus ide ilegerwohnig. mer hätte e mindestmietdur vomene johr gha. jetzt wämmer aber früehner use. ich ha mine eltere gholfe en nachmieter z finde. i ha die erste interessente iglade und ehne gseit dass ich unde wird früehner use goh als mini eltere vo obe, öb da för sie möglech wär, dass sie unde früehner miete und obe de no dezue miete sobald mini eltere was gfonde händ. sie händ gseit das segi keis problem för sie, do wörde mer scho e lösig fende. sie händ gseit sie möchte so schnell we möglech i das huus izieh.
denn hend sech paar woche spöter vermieter und nachmieter troffe und wahrschinlech anderi sache abgmacht.
de vermieter het sech met minere muetter troffe und het ere d köndigung geh zum unterschriebe. uf dere köndigung stoht: siehe Bild. 1. stönd döt 4 mönet dinne und 2. verzichtet er uf e nachmieter obwohl mir ja eine brocht hend. 3. het er de betrag frei gloh. er weiss das mer eigentli uf 1. juli dusse send. und mer wösse das er wott paar sache am huus mache. jetzt hani grad d nachmieteri im bus troffe und sie seit mer, sie gönd erst uf oktober ine. guet mini muetter hed ihri köndigung unterschriebe gha 3h vor dem dass sie gwösst het dass sie e wohnig händ uf de 1. juli. de vermieter het jetzt schön ziit zum sis huus renoviere und bechonnt no mieti zahlt öber för da. jo esch alles beds schief gloffe.
chamer do was mache oder simmer eifach selber schold a allem 😂 danke för jede tipp woni drus cha lerne 😉