Salut zämme, bis ez bini en stille Mitleser gsi, zum Glück nie Rot brucht. Aber ez ischs so wit.

Ich han vor paar Täg es schriebe vo de Creditreform becho, in dem s heisst, i hägi e Buess vo Italie, sit Johre nöd zahlt. Da ich s besagte Kennzeiche, i sebem Johr (2010) nöd ka han, und scho gar nöd demit uf Italie hett chöne, hani da bi Site tue und wölle ignoriere. Hüt hanich nomol es schriebe ka, in dems heisst, ich han no bis zum 10.10.16 Zit de Betrag z begliche. Natürli isch bi besagtem Unternehme au kein Mensch erreichbar gsi... I han eigentli kei Zit und Lust dere Sach no z goh, und gseh erlichgseit au nöd mini Verantwortig zum da klarzstelle.

Jetzt isch mini Frog, a wer sölli mi melde? vom Strosseverkehrsamt irgend e Bestätigung hohle das s besagte Kennzeiche i dem Johr nöd mir ghört het und das denne zueschicke? isch denn die Sach für mi erledigt? Und falls da mit de Bestätigung länger goht, könnds mi uf das abbe würklich defür Betriebe? Wieso sött ich i de Bewiespflicht si?

Danke eu schomol im Vorrus.

PS. Finde die Gruppe eini vo de Beste im ganze Facebook, super arbet! wieter so!