Liebi lüt i ha e ganz wichtigi frag

Also es ish eso. I ha letsht ja amne wg partner sehr viu geld usglehnt. So ca. 10000.- mindestens. Es ish aues echli schwär zämezrächne drum weissi dasi das geld vergässe cha. Aber i ha beleg woni für ihn 1500.- grichtschöste zahlt han und das willi zrug. Jetz ish dä mönsch aber völlig betribe vo jenste institutione. Ihm si lohn wird pfändet und er bechunt nur zexistenzminimum. Eigentli bini e schlaui hani emu zmindest denkt aber das ish e mönsch wo echt guet manipuliere cha und er verzellt sini lügegschichte perfekt so dasme se glaubt. I ha ihm jez eis jahr zit gä mir das geld zrug zgä und ihm ish das eifach egal. Er het mittlerwile e wohnig woner sehr vil hanf duet abaue und demit zimlech vil schwarzgeld macht. I weiss au mit wäm er daa macht. Er het damals e laptop vo mir usglehnt becho und het dört ameldig bi FB uf spichere gmacht. Somit hani gnue lang zuegang derzue gha um alles zsammle woni a bewisstück bruche damiti belegge cha wär ihm bim abau ect. Gholfe het. Und das si mönsche wo ihm damals gholfe hend mir die gschicht so glaubwürdig wie möglech zverchaufe. Drum
Ishmers egal obi die i mitlideschaft zieh oder nid. Zusätzlech zu all dem hani e kontouszug (woner damals ide wohnig vergässe het) wo beleit daser uf emne konto mehreri tussig franke, lutend uf si name, het. I ha ihm ds au zeigt und gseid er seu mer bitte zgeld geh shüsh muesi de weg ishloh aber das ish ihm recht egal. I weiss dass das geld uf dem konto vo sim brüetsh ish. Dä ish ebefalls betribe het aber es sehr guet laufends gschäft woner ganz bestimmt meh als gnueg im monet macht. Ha au ihm
Gshribe ide hoffnig das er mir zgeld git, will er ja me als gnueg het, ( er betribt coachings für fitness, mentales züg ect.) aber er füehlt sech au nid dezue verpflichtet. I wot echt eifach mis geld zrug emu wenigstens die 1500.- weui weg ihm sehr lang mega verschuldet bi gsi und allei us dem züg ha müesse. I ha ne weue betribe aber würd nur e verlustshin becho u ds bringtmer genau garnüt weu er so vil betribige het und sech witterhin verschuldet und ihm ish das recht egal weuer ja nebebi gnue het. I wot ihm das aber uf kei fall lo durego und überlegge mir sho es zitli das de polizei zmälde. Will de hani mis geld nid aber e genugtuig und innerlech füehli mi de wahrshindli besser. Was seui nur mache ?