Hallo zäme hät chorz e frag aber mues chli ushole...

Vorgschicht:
I ha sit chli IV weili imne Heim ufgwachse bi... IV diagnose isch dazumal ADHS gsi... I ha aber immer gwüsst i bi anders aus ADHS chind, ha mi säuber vor ca. 6 Mönet la teste und es isch use cho dasi vo de erläbis i mine früechere chindheit Chindheitsdepri ka ha, u hüt immerno ha, weil mers dazumau ned bemerkt het isch es iz haut ned so eifach isch dert drus z cho... (Chinder depri so nennt mer das wird viu mit adhs verwächslet weils fasch identischi azeiche het das isch wie we du depri aus chrankheit hesch chronisch... Damit allis richtig verstoh, das isch ned dasi tag i tag us im ne loch bi, das beinhautet eifach dasi viu anders handle (z voreilig) weili ned cha mit situatone umgah, oder dasi mit sache ender aus anderi überfordert bi oder dasi mit negative dinge anders umgah aus anderi...

I ha e erstlehr gmacht im ne gschützte rahme mit viu öffendleche praktikums weil mich dazumau aus "Adhs und Heimchind" niemer het weue... Dene hani no d Adhs diagnose ka...

Hüt hani IV 25% weili uf grund vo mire psychische chrankheit ned 100% cha imne öffendleche gwärb schaffe... es währi scho machbar aber mini gedanke länke me uf dr büez so ab dasi när fehler mache woni chönnti vermide... schaffe dueni 50% im ne öffendleche gwärb und ha eig nur positivi rückmäudige...

I möcht eig us dem ganze schlamassel vo mire vergangeheit usecho und nächst summer im ne öffendleche gwärb e zweiti lehr mache uf EFZ basis am liebste mit chind... i möcht e lehr mache wo ig frei gwählt ha u wo mer spass macht u ned öbis vore uswahl wo mer d IV dazumal zur verfüegig gstellt het... Und i möcht möglecht ou vor IV när schlussändlech los cho weni mini vergangeheit so ändlech chönnti besitige... Weil zurzyt mit IV und "nur EBA usbildig" hani ir arbeitswäut duurend absage weni mi nöime bewirbe... u mis ikomme isch ou ned würk 1A...

Wirdi under dene umständ e chance ha ufene zweitlehr weni IV ha u dere vorgschicht??
Und hani mit dere vorgschicht überhoubt e chance mit chind zäme z schaffe??