Guete morge mitenand 😊
i bi ez unverhofft schwanger worde und bi im 3. lehrjohr FaGe (schaffe im Akutspitol), somit lauft de lehrvertrag us im juli. Bevor i gwüsst ha dasi schwanger bi, bini is Stationssekretariat ihgführt worde und döt simer uf d'idee cho, dass si wo ez im Sekretariat ish gern en Monet unbezahlte urlaub neh wür und ich de monet 100% für si übernimm.. ish au alles hinedure bewilligt worde, nur mir ish nie direkt e wort gseit worde. Station het mi au uhhhh gern gnoh, wel si seged, dass mini Arbeit zueverlässig, organisiert und engagiert ish. im Monet Augut bini im 8.monet schwanger und wür eigt glich no gern go schaffe.. die vum personaldienst obe abe hend denn gseit (nochdem i ehrlich gsi bi und gseit ha i bi schwanger sho ide 7 wuche wege übelkeit und allem) es chunnt zu keim vertrag, wels e z'höchs risiko isch, dasi jederzit usfalle könnt.
mini Frog : Dörfed si mit dere begründig mir die stell würkli nöd geh?
(Arbeitsbedinige sind geh. Es ish selte mol stressig im sekretariat, i cha sitze, stoh, mue nöd schwer lupfe, cha jederzit e pause ihlege..)