Grüezi mitenand.

Ich hann eh Frog. Ich Gotti vomene bald 5 jöhrige Meitli wo abem Summer in Kindergarte chunnt. Ihres Mami isch alleierziehend, aber mittlerwiile wieder innere Beziehig. Beidi schaffet aber. Mis Gottemeitli würd am morge in Kindergarte brocht muess aber abem Mittag zum Grossmami wo sie dete isst und betreut wird. Das isch scho immer so gsi.

Jetzt zu üüsem Problem. s Mami vo mim Gottemeitli het de Schuelgmeind en Brief gschriebe mitere Afrog, ob die Chlii abem Mittag mit em Schuelbus dörfti mitfahre, da de weg für es 5 jöhrigs Meitli unmöglich zum allei laufe isch. Das isch abglent worde mit de Begründig, dass dSchuelgmeint kein Taxidienst isch. Elteretaxi wird aber au verbote. De Schuelbus müessti au sowieso i das Dorf vo de Grosseltere goh.

Mini Fründin also Mami isch informiert worde, dass sie das quasi jetzt chönnt witerzüche i dem sie de zuehständige Behörde schriebt, dass würd sie aber 500.- choste. Wenn sies verlüürt sind die 500 .- weg wenn sie gwünnt chunnt sies wieder über.

Chann mir öppert sege, was mer do mache chann? Chamer sich do wehre? Isch das überhaupt erlaubt?
Viele herzliche Dank fürd Hilf.