Eine anonyme Anfrage:

En Kollegin hät mich gfragt öb ich Lust heig bi inne zschaffe.. Für 3 Täg... Ich ha sie den gfragt weg em Lohn.. zerst häts gheisse (vo de Kollegin us) 23.- den ha ich gseit dass sorry das isch en mega tüüfe Stundenlohn. Aber ich würd das so akzeptiere.. Aber nur.. Will ich ihre helfe möcht. Aschliessend hät sie gmeint dass sie das mit em Personalchef numal wird aluege... Als Rückmeldig ha ich d Info übercho.. Dass dass de Stundenlohn 33.- isch. Das ganze würdi den aber über en Temporärfirma abgwicklet werde. Ha den vo dene au es Telefon übercho und ha dene ganz klar mitteilt, welle Stundenlohn mir versproche worde isch.
Die vo de Temporärfirma hät den mir gseit.. Sie müend das mit de Firma abkläre.
Muess derzue erwähne.. Dass das alles sehr churzfristig gsi isch..
Ich ha am gliche Tag resp. Den isch de Nacht gschaffet. Knapp 7 Stund. Ha den aber müesse vorher ufhöre will ich weg em Bandschiibe Vorfall sehr grossi Schmerze gah ha. Ha chume me chöne laufe ?
Ha den au dere Firma müesse für die nächst Isatz müesse absäge. Jetzt ha ich vo de Temporärfirma en Vertrag übercho.. Und ha dene scho telefonisch mitgeteilt dass ich de nid unterzeichne wird. Da de uf über 3 Mönet lutet und de Stundenlohn stimmt au nid.

1. Muess ich überhaupt en Vertrag unterschriebe?
2. Wenn ja, muess ich de Stundenlohn vo 23.- akzeptiere?