Anonyme frage:

Hi fraue, han e frog. Wieviel franke bekunt me vo sozialamt im monet? Wen me allei isch und eigeni wohnig het? Es goht um mi ex, er zahlt NIE öbbis für unsri sohn unterstützt uns nit und alimente bekumi erst sit januar vo alimente inkasso. So rechnige usw für mi sohn, seit er bim amt immer er würd mir helfe, git aber kei rappe. Er macht au nie viel mit dä klei. Er seht in all 2. Sunntig für 4 bis 5 std und es wird nüt speziells gm8. Jetzt wott er au no das unser sohn bi ihm übernachtet ab und zue. Ich ha das alleinige sorgerecht, er döff ihn gseh ha kei problem damit, abbbbeeeeer es macht mi halt fertig das er nüt für unser klei macht, mit ihm sich au nit beschäfftigt sondern fründin vo ihm spielt mit mim sohn, er sälber nit. Ich bi sogar froh das sie jedes mol bi ihm isch, mi sohn verzählt jedes mol vo ihre und vo vater nüt. Ha mim klei gfrogt er wott au keini übernachtige bim vater ha.

Was sölli mache? Ich ha sowas vo nase voll vo däm typ, mir mien uf vieles verzichte wägem geld, sogar kleider kaufi nitemol me sälber für uns, bekum alles vo e kollegin. Und däm ander isch alles scheiss egal. Und den meint er no ich lueg nit guet uf dä klei ?

Ich bi monentan sowas uf 180, ich schaff 60% und den muessi mi kind ab geh in sone blöde tagi und das 4 bis 5 mol in wuche will ich so unnregelmässigi arbeits zyte ha. Meint jetzt kinder und jugenddienst ich söll ihn eifach unter de wuche ab geh, damit er regelmässige plan het. Hüt z.b isch sone tolles wetter ich bi dehei und ha mi sohn am morge in kindergarte und spöter in tagi bis 17:30. Ich mag das nüm, ha mi ex sogar do druf a gsproche, er meint jo wens anderst nit goht muess er halt täglich död ahne. Und er sälber isch arbeitslos ?

Ich lieb mi sohn über alles und das ganze macht mich so fertig und mi klei au. Nur am ziestieg hani e feste freie tag und muess ihn nit in tagi bringe, ha darum mi klei gester in kindergarte krank gmolde damit mir ganze tag zämme sind. Ich bi so fertig mit mini närve momentan bi darum die wuche krank gschriebe und mi sohn döff nitemol richtig bi mir si. Ha nocher e gspröch mitem tagi und am 14. Sep mit kinder und jugenddienst. Ich würd am liebste mi job künde und vo sozial lebe und nur no mit mim sohn zyt verbringe. Sit er uf welt isch bini nur am schaffe. Ersti 3 johr hani mi ex dehei ka arbeitslos und ich ha 80- 100% gschaffe. Nachem trennig bini mit mim job uf 60% abe, aber viel bringt mir das au nit.
Ich mag wierkli nüm, ha kei kraft keini närve me.

SORRY wägem roman, aber irgendwie hani miesse alles use lo.